Первое послание Святого апостола Павла к Коринфянам

Глава 1.

Зачало 122.

1 Павел, зван апостол иисус христов волею божиею, и сосфен брат,
2 церкви божией сущей в коринфе, освященнымъ о христе иисусе, званным святым, со всеми призывающими имя господа нашего иисуса христа, во всяцем месте, тех же и нашем:
3 (Зачало 123) благодать вам и мир от бога отца нашего и господа иисуса христа.
4 Благодарю бога моего всегда о вас, о благодати божией данней вам о христе иисусе,
5 яко во всем обогатистеся о нем, во всяцемъ слове и всяцем разуме,
6 якоже свидетелство христово известися въ вас:
7 яко вам не лишитися ни во единем даровании, чающим откровения господа нашего иисуса христа,
8 иже и утвердит вас даже до конца неповинныхъ в день господа нашего иисуса христа.
9 Верен бог, имже звани бысте во общение сына его иисуса христа, господа нашего.
10 (Зачало 124) Молю же вы, братие, именем господа нашего иисуса христа, да тожде глаголете вси, и да не будут в вас распри, да будете же утверждени в томже разумении и в тойже мысли.
11 Возвестися бо ми о вас, братие моя, (посланнымъ) от хлоиса [от домашних хлоиса], яко рвения в вас суть.
12 Глаголю же се, яко кийждо вас глаголет: аз убо есмь павлов, аз же аполлосов, аз же кифин, аз же христов.
13 еда разделися христос, еда павелъ распятся по васъ? или во имя павлово крестистеся?
14 Благодарю бога, яко ни единаго от васъ крестих, точию криспа и гаиа,
15 да не кто речет, яко в мое имя крестих.
16 Крестих же и стефанинов дом: прочее не вем, аще кого иного крестих.
17 Не посла бо мене христос крестити, но благовестити, не в премудрости слова, да не испразднится крестъ христов.
18 (Зачало 125) Слово бо крестное погибающим убо юродство есть, а спасаемым нам сила божия есть.
19 Писано бо есть: погублю премудрость премудрых, и разум разумных отвергу.
20 Где премудръ? где книжникъ? где совопросникъ века сего? Не обуи ли бог премудрость мира сего?
21 Понеже бо в премудрости божией не разуме миръ премудростию бога, благоизволил бог буйствомъ проповеди спасти верующих.
22 Понеже и иудее знамения просят, и еллини премудрости ищут:
23 мы же проповедуем христа распята, иудеемъ убо соблазн, еллином же безумие,
24 самем же званным иудеем же и еллиномъ христа, божию силу и божию премудрость:
25 зане буее божие премудрее человек есть, и немощное божие крепчае человек есть.
26 Видите бо звание ваше, братие, яко не мнози премудри по плоти, не мнози сильни, не мнози благородни:
27 но буяя мира избра бог, да премудрыя посрамит, и немощная мира избра бог, да посрамит крепкая:
28 и худородная мира и уничиженная избра бог, и не сущая, да сущая упразднит,
29 яко да не похвалится всяка плоть пред богом.
30 Из негоже вы есте о христе иисусе, иже бысть нам премудрость от бога, правда же и освящение и избавление,
31 да, якоже пишется: хваляйся, о господе да хвалится.

 

Глава 2.

1 И аз пришед к вам, братие, приидох не по превосходному словеси или премудрости возвещая вам свидетелство божие:
2 не судих бо ведети что в вас, точию иисуса христа, и сего распята:
3 и аз в немощи и страсе и трепете мнозе бых в вас.
4 И слово мое и проповедь моя не в препретелныхъ человеческия премудрости словесех, но в явлении духа и силы,
5 да вера ваша не в мудрости человечестей, но в силе божией будет.
6 (Зачало 126) Премудрость же глаголем в совершенных, премудрость же не века сего, ни князей века сего престающих,
7 но глаголем премудрость божию, в тайне сокровенную, юже предустави бог прежде век в славу нашу,
8 юже никтоже от князей века сего разуме: аще бо быша разумели, не быша господа славы распяли.
9 Но якоже есть писано: (Зачало 127) ихже око не виде, и ухо не слыша, и на сердце человеку не взыдоша, яже уготова бог любящимъ его.
10 Нам же бог открыл есть духом своим: дух бо вся испытует, и глубины божия.
11 Кто бо весть от человек, яже в человеце, точию дух человека, живущий в немъ? Такожде и божия никтоже весть, точию дух божий.
12 Мы же не духа мира сего прияхом, но духа иже от бога, да вемы яже от бога дарованная нам,
13 яже и глаголем не в наученых человеческия премудрости словесех, но в наученых духа святаго, духовная духовными сразсуждающе.
14 Душевен же человек не приемлет яже духа божия: юродство бо ему есть, и не можетъ разумети, зане духовне востязуется.
15 Духовный же востязует убо вся, а самъ той ни от единаго востязуется.
16 Кто бо разуме ум господень, иже изъяснитъ и? Мы же ум христов имамы.

 

Глава 3.

1 И аз, братие, не могох вам глаголати яко духовным, но яко плотяным, яко младенцемъ о христе.
2 Млеком вы напоих, а не брашном: ибо не у можасте, но ниже еще можете ныне,
3 еще бо плотстии есте. Идеже бо в васъ зависти и рвения и распри, не плотстии ли есте и по человеку ходите?
4 егда бо глаголет кто: аз убо есмь павлов, другий же: аз аполлосов: не плотстии ли есте?
5 Кто убо есть павелъ? кто же ли аполлосъ? Но точию служителие, имиже веровасте, и комуждо якоже господь даде.
6 Аз насадих, аполлос напои, бог же возрасти:
7 темже ни насаждаяй есть что, ни напаяяй, но возращаяй бог.
8 Насаждаяй же и напаяяй едино еста: кийждо же свою мзду приимет по своему труду.
9 (Зачало 128) богу бо есмы споспешницы: божие тяжание, божие здание есте.
10 По благодати божией данней мне, яко премудръ архитектон основание положих, ин же назидает: кийждо же да блюдет, како назидает.
11 основания бо инаго никтоже может положити паче лежащаго, еже есть иисус христос.
12 Аще ли кто назидает на основании сем злато, сребро, камение честное, дрова, сено, тростие,
13 когождо дело явлено будет: день бо явит, зане огнем открывается: и когождо дело, яковоже есть, огнь искусит.
14 (И) егоже аще дело пребудет, еже назда, мзду приимет:
15 (а) егоже дело сгорит, отщетится: самъ же спасется, такожде якоже огнем.
16 Не весте ли, яко храм божий есте, и дух божий живет в васъ?
17 Аще кто божий храм растлит, растлит сего бог: храм бо божий свят есть, иже есте вы.
18 (Зачало 129) Никтоже себе да прельщает: аще кто мнится мудр быти в вас в веце сем, буй да бывает, яко да премудр будет.
19 Премудрость бо мира сего буйство у бога есть, писано бо есть: запинаяй премудрымъ в коварстве их.
20 И паки: господь весть помышления человеческа [мудрыхъ], яко суть суетна.
21 Темже никтоже да хвалится в человецех, вся бо ваша суть:
22 аще павел, или аполлос, или кифа, или мир, или живот, или смерть, или настоящая, или будущая, вся ваша суть:
23 вы же христовы, христос же божий.

 

Глава 4.

Зачало 130.

1 Тако нас да непщует человек, яко слугъ христовых и строителей таин божиих:
2 а еже прочее ищется в строителех, да верен кто обрящется.
3 Мне же не велико есть, да от вас истяжуся, или от человеческаго дне [суда]: но ни самъ себе востязую.
4 Ничесоже бо в себе свем, но ни о сем оправдаюся: востязуяй же мя господь есть.
5 Темже прежде времене ничтоже судите, дондеже приидет господь, иже во свете приведетъ тайная тмы и объявит советы сердечныя, и тогда похвала будет комуждо от бога.
6 Сия же, братие (моя), преобразих на себе и аполлоса вас ради, да от наю научитеся не паче написанных мудрствовати, да не един по единому гордитеся на другаго.
7 Кто бо тя разсуждаетъ? Что же имаши, егоже неси приялъ? Аще же и приял еси, что хвалишися яко не приемъ?
8 Се, сыти есте, се, обогатистеся, безъ нас воцаристеся: и о, дабы воцарилися есте, да и мы быхом с вами царствовали.
9 (Зачало 131) Мню бо, яко бог ны посланники последния яви, яко насмертники: зане позоръ быхом миру и ангелом и человеком.
10 Мы (убо) буи христа ради, вы же мудри о христе: мы немощни, вы же крепцы: вы славни, мы же безчестни.
11 До нынешняго часа и алчем, и жаждем, и наготуем, и страждем, и скитаемся,
12 и труждаемся, делающе своими руками. укоряеми, благословляем: гоними, терпим:
13 хулими, утешаемся [молимъ]: якоже отреби миру быхом, всем попрание доселе.
14 Не срамляя вас сия пишу, но якоже чада моя возлюбленная наказую.
15 Аще бо (и) многи пестуны имате о христе, но не многи отцы: о христе бо иисусе благовествованиемъ аз вы родих.
16 Молю же вас: подобни мне бывайте, якоже аз христу.
17 (Зачало 132) Сего ради послах к вам тимофеа, иже ми есть чадо возлюблено и верно о господе, иже вам воспомянет пути моя, яже о христе иисусе, якоже везде и во всяцей церкви учу.
18 яко не грядущу ми к вам, разгордешася нецыи:
19 прииду же скоро к вам, аще господь восхощет, и уразумею не слово разгордевшихся, но силу:
20 не в словеси бо царство божие, но в силе.
21 Что хощете? с палицею ли прииду к вам, или с любовию и духом кротости?

 

Глава 5.

1 Отнюд слышится в вас блужение, и таково блужение, яковоже ни во языцех именуется, яко некоему имети жену отчую.
2 И вы разгордесте, и не паче плакасте, да измется от среды вас содеявый дело сие.
3 Зане аз убо аще не у вас сый телом, ту же живый духом, уже судих, яко тамо сый: содеявшаго сице сие,
4 о имени господа нашего иисуса христа собравшимся вам и моему духу, с силою господа нашего иисуса христа,
5 предати таковаго сатане во измождение плоти, да дух спасется в день господа нашего иисуса христа.
6 Не добра похвала ваша. (Зачало 133) Не весте ли, яко мал квас все смешение кваситъ?
7 очистите убо ветхий квас, да будете ново смешение, якоже есте безквасни: ибо пасха наша за ны пожрен бысть христос.
8 Темже да празднуем не в квасе ветсе, ни в квасе злобы и лукавства, но в безквасиихъ чистоты и истины.
9 (Зачало 134) Писах вам в послании не примешатися блудником:
10 и не всяко блудником мира сего, или лихоимцем, или хищником, или идолослужителем, понеже убо должни бы есте были от мира (сего) изыти:
11 ныне же писах вам не примешатися, аще некий, брат именуемь, будет блудник, или лихоимец, или идолослужитель, или досадитель, или пияница, или хищник: с таковым ниже ясти.
12 Что бо ми и внешних судити? Не внутреннихъ ли вы судите?
13 Внешних же бог судит. И измите злаго от вас самех.

 

Глава 6.

1 Смеет ли кто от вас, вещь имея ко иному, судитися от неправедных, а не от святыхъ?
2 Не весте ли, яко святии мирови имут судити? и аще вами суд приимет мир, недостойни есте судищем худымъ?
3 Не весте ли, яко аггелов судити имамы, а не точию житейскихъ?
4 Житейская бо судища аще имате, уничиженныхъ в церкви, сих посаждаете.
5 К сраму вам глаголю: тако ли несть в васъ мудр ни един, иже может разсудити между братий своихъ?
6 Но брат с братом судится, и то пред неверными.
7 уже убо отнюд вам срам есть, яко тяжбы имате между собою. Почто не паче обидими есте? почто не паче лишени бываете?
8 Но вы (сами) обидите и лишаете, да еще братию.
9 Или не весте, яко неправедницы царствия божия не наследятъ? Не льстите себе: ни блудницы, ни идолослужителе, ни прелюбодее, (ни сквернителе,) ни малакии, ни мужеложницы,
10 ни лихоимцы, ни татие, ни пияницы, ни досадителе, ни хищницы царствия божия не наследят.
11 И сими (убо) нецыи бесте, но омыстеся, но освятистеся, но оправдистеся именем господа нашего иисуса христа и духом бога нашего.
12 (Зачало 135) Вся ми леть суть, но не вся на пользу: вся ми леть суть, но не аз обладанъ буду от чего.
13 Брашна чреву, и чрево брашном: бог же и сие и сия упразднит. Тело же не блужению, но господеви, и господь телу.
14 бог же и господа воздвиже, и нас воздвигнетъ силою своею.
15 Не весте ли, яко телеса ваша удове христовы суть? Вземь ли убо уды христовы, сотворю уды блудничи? Да не будет.
16 Или не весте, яко прилепляяйся сквернодейце едино тело есть (с блудодейцею)? будета бо, рече, оба в плоть едину.
17 Прилепляяйся же господеви един дух есть (с господемъ).
18 Бегайте блудодеяния: всяк (бо) грех, егоже аще сотворит человек, кроме тела есть: а блудяй во свое тело согрешает.
19 Или не весте, яко телеса ваша храмъ живущаго в вас святаго духа суть, егоже имате от бога, и несте свои?
20 куплени бо есте ценою. (Зачало 136) Прославите убо бога в телесех ваших и в душахъ ваших, яже суть божия.

 

Глава 7.

1 А о нихже писасте ми, добро человеку жене не прикасатися.
2 Но блудодеяния ради кийждо свою жену да имать, и каяждо (жена) своего мужа да имать.
3 Жене муж должную любовь да воздает: такожде и жена мужу.
4 Жена своим телом не владеет, но муж: такожде и муж своим телом не владеет, но жена.
5 Не лишайте себе друг друга, точию по согласию до времене, да пребываете в посте и молитве, и паки вкупе собирайтеся, да не искушает васъ сатана невоздержанием вашим.
6 Сие же глаголю по совету, (а) не по повелению.
7 Хощу бо, да вси человецы будут, якоже и аз: но кийждо свое дарование имать от бога, ов убо сице, ов же сице.
8 Глаголю же безбрачным и вдовицам: добро имъ есть, аще пребудут якоже и аз:
9 аще ли не удержатся, да посягают: лучше бо есть женитися, нежели разжизатися.
10 А оженившимся завещаваю не аз, но господь: жене от мужа не разлучатися:
11 аще ли же и разлучится, да пребывает безбрачна, или да смирится с мужем (своимъ): и мужу жены не отпущати.
12 Прочим же аз глаголю, (а) не господь: (Зачало 137) аще который брат жену имать неверну, и та благоволит жити с ним, да не оставляетъ ея:
13 и жена аще имать мужа неверна, и той благоволит жити с нею, да не оставляет его:
14 святится бо муж неверен о жене верне, и святится жена неверна о мужи верне: иначе бо чада ваша нечиста были бы, ныне же свята суть.
15 Аще ли неверный отлучается, да разлучится: не поработися (бо) брат или сестра в таковых: в мир бо призва нас (господь) бог.
16 Что бо веси, жено, аще мужа спасеши? Или что веси, мужу, аще жену спасеши?
17 Точию коемуждо якоже разделил есть бог, кийждо якоже призван бысть господем, тако да ходит: и тако во всех церквах повелеваю.
18 Во обрезании ли кто призван бысть? да не отторгнется [да не творит себе необрезания]: в необрезании ли кто призван бысть? да не обрезуется.
19 обрезание ничтоже есть, и необрезание ничтоже есть, но соблюдение заповедий божиих.
20 Кийждо в звании, в немже призван бысть, в том да пребывает.
21 Раб ли призван был еси? да не нерадиши [да не печалишися]: но аще и можеши свободенъ быти, болше поработи себе.
22 Призванный бо о господе раб, свободник господень есть: такожде и призванный свободник, рабъ есть христов.
23 Ценою куплени есте: не будите раби человеком.
24 (Зачало 138) Кийждо, в немже призван бысть, братие, в том да пребывает пред богом.
25 о девах же повеления господня не имам, советъ же даю, яко помилован от господа верен быти.
26 Мню убо сие добро быти за настоящую нужду, яко добро человеку тако быти.
27 Привязался ли еси жене? не ищи разрешения. отрешился ли еси жены? не ищи жены.
28 Аще ли же и оженишися, не согрешил еси: и аще посягнет дева, не согрешила есть. Скорбь же плоти имети будут таковии: азъ же вы щажду.
29 Сие же глаголю, братие, яко время прекращено есть прочее, да и имущии жены, якоже не имущии будут:
30 и плачущиися, якоже не плачущии: и радующиися, якоже не радующеся: и купующии, яко не содержаще:
31 и требующии мира сего, яко не требующе: преходит бо образ мира сего.
32 Хощу же вас безпечальных быти. Не оженивыйся печется о господних, како угодити господеви:
33 а оженивыйся печется о мирских, како угодити жене. Разделися жена и дева:
34 непосягшая печется о господних, како угодити господеви, да будет свята и телом и духом: а посягшая печется о мирских, како угодити мужу.
35 (Зачало 139) Сие же на пользу вам самем глаголю: не да сило вам наложу, но к благообразию и благоприступанию господеви безмолвну.
36 Аще ли же кто безобразити о деве своей непщует, аще есть превозрастна, и тако должна есть быти: еже хощет, да творит: не согрешает, аще посягнет.
37 А иже стоит твердо сердцем, не имый нужды, власть же имать о своей воли, и се разсудилъ есть в сердцы своем блюсти деву свою, добре творит.
38 Темже и вдаяй браку свою деву добре творит: и не вдаяй лучше творит.
39 Жена привязана есть законом, в елико время живет муж ея: аще же умрет мужъ ея, свободна есть, за негоже хощет, посягнути, точию о господе.
40 блаженнейша же есть, аще тако пребудет, по моему совету: мнюся бо и аз духа божия имети.

 

Глава 8.

1 О идоложертвенных же вемы: яко вси разумъ имамы. Разум (убо) кичит, а любы созидает.
2 Аще ли кто мнится ведети что, не у что разуме, якоже подобает разумети:
3 аще же кто любит бога, сей познан бысть от него.
4 о ядении же идоложертвенных вемы, яко идол ничтоже есть в мире, и яко никтоже бог ин, токмо един.
5 Аще бо и суть глаголемии бози, или на небеси, или на земли: якоже суть бози мнози и господие мнози:
6 но нам един бог отец, из негоже вся, и мы у него, и един господь иисус христос, имже вся, и мы тем.
7 Но не во всех разум: нецыи же совестию идолскою даже доселе якоже идоложертвенное ядят, и совесть их, немощна сущи, сквернится.
8 (Зачало 140) Брашно же нас не поставляет предъ богом: ниже бо аще ямы, избыточествуем: ниже аще не ямы, лишаемся.
9 Блюдите же, да не како власть ваша сия преткновение будет немощным.
10 Аще бо кто видит тя, имуща разум, въ требищи возлежаща, не совесть ли его немощна сущи созиждется идоложертвенная ясти?
11 И погибнет немощный брат в твоем разуме, егоже ради христос умре.
12 Такожде согрешающе в братию и биюще ихъ совесть немощну сущу, во христа согрешаете.
13 Темже аще брашно соблазняет брата моего, не имам ясти мяса во веки, да не соблазню брата моего.

 

Глава 9.

1 Несмь ли апостолъ? Несмь ли свободь? Не иисуса христа ли господа нашего видехъ? Не дело ли мое вы есте о господе?
2 Аще иным (и) несмь апостол, но обаче вам есмь: (Зачало 141) печать бо моего апостольства вы есте о господе.
3 Мой ответ востязующим мене сей есть.
4 еда не имамы власти ясти и пити?
5 еда не имамы власти сестру жену водити, яко и прочии апостоли, и братия господня, и кифа?
6 Или един аз и варнава не имамы власти еже не делати?
7 Кто воинствует своими оброки когда? Или кто насаждает виноград, и от плода его не ястъ? Или кто пасет стадо, и от млека стада не ястъ?
8 еда по человеку сия глаголю? Не и законъ ли сия глаголетъ?
9 В моисеове бо законе писано: да не заградиши устну вола молотяща. еда о волех радитъ богъ?
10 Или нас ради всяко глаголетъ? Нас бо ради написася, яко о надежди должен есть оряй орати, и молотяй с надеждею своего упования причащатися.
11 Аще мы духовная сеяхом вам, велико ли, аще мы ваша телесная пожнемъ?
12 Аще инии власти вашея причащаются, не паче ли мы? Но не сотворихом по области сей: но вся терпим, да не прекращение кое дамы благовествованию христову.
13 (Зачало 142) Не весте ли, яко делающии священная от святилища ядятъ? (и) служащии олтарю со олтарем делятся?
14 Тако и господь повеле проповедающим благовестие от благовестия жити.
15 Аз же ни едино сотворих от сих. Не писах же сия, да тако будет о мне: добрее бо мне паче умрети, нежели похвалу мою кто да испразднит.
16 Аще бо благовествую, несть ми похвалы, нужда бо ми належит: горе же мне есть, аще не благовествую.
17 Аще убо волею сие творю, мзду имам: аще же неволею, строение ми есть предано.
18 Кая убо ми есть мзда? Да благовествуяй без мзды положу благовестие христово, во еже не творити ми по области моей в благовествовании.
19 (Зачало 143) Свободен бо сый от всех, всемъ себе поработих, да множайшия приобрящу:
20 бых иудеем яко иудей, да иудеи приобрящу: подзаконным яко подзаконен, да подзаконныя приобрящу:
21 беззаконным яко беззаконен, не сый беззаконникъ богу, но законник христу, да приобрящу беззаконныя.
22 Бых немощным яко немощен, да немощныя приобрящу. Всем бых вся, да всяко некия спасу.
23 Сие же творю за благовестие, да сообщникъ ему буду.
24 Не весте ли, яко текущии в позорищи вси убо текут, един же приемлет почесть? Тако тецыте, да постигнете.
25 Всяк же подвизаяйся от всех воздержится: и они убо да истленен венец приимут, мы же неистленен.
26 Аз убо тако теку, не яко безвестно, тако подвизаюся, не яко воздух бияй:
27 но умерщвляю тело мое и порабощаю, да не како, иным проповедуя, сам неключимь буду.

 

Глава 10.

1 Не хощу же вас не ведети, братие, яко отцы наши вси под облаком быша, и вси сквозе море проидоша:
2 и вси в моисеа крестишася во облаце и в мори:
3 и вси тожде брашно духовное ядоша:
4 и вси тожде пиво духовное пиша, пияху бо от духовнаго последующаго камене: камень же бе христос.
5 (Зачало 144) Но не во множайших их благоволи бог, поражени бо быша в пустыни.
6 Сия же образи нам быша, яко не быти намъ похотником злых, якоже и они похотеша.
7 Ни идолослужителе бывайте, якоже нецыи от них, якоже есть писано: седоша людие ясти и пити, и восташа играти.
8 Ниже соблудим, якоже нецыи от них соблудиша, и падоша во един день двадесять три тысящи.
9 Ни да искушаим христа, якоже нецыи от них искусиша и от змий погибоша.
10 Ни ропщите, якоже нецыи от них ропташа и погибоша от всегубителя.
11 Сия же вся образи прилучахуся онем: писана же быша в научение наше, в нихже концы векъ достигоша.
12 (Зачало 145) Темже мняйся стояти да блюдется, да не падет.
13 Искушение вас не достиже, точию человеческое: верен же бог, иже не оставит вас искуситися паче, еже можете, но сотворит со искушениемъ и избытие, яко возмощи вам понести.
14 Темже, братие моя возлюбленная, бегайте от идолослужения.
15 яко мудрым глаголю: судите вы, еже глаголю:
16 чаша благословения, юже благословляем, не общение ли крове христовы есть? хлеб, егоже ломим, не общение ли тела христова есть?
17 яко един хлеб, едино тело есмы мнози: вси бо от единаго хлеба причащаемся.
18 Видите израиля по плоти: не ядущии ли жертвы общницы олтареви суть?
19 Что убо глаголю? яко идол что есть? или идоложертвенное что есть?
20 Но зане, яже жрут языцы, бесом жрут, а не богови: не хощу же вас общников быти бесом.
21 Не можете чашу господню пити и чашу бесовскую: не можете трапезе господней причащатися и трапезе бесовстей.
22 Или раздражаем господа? еда крепчайши его есмы?
23 (Зачало 146) Вся ми леть суть, но не вся на пользу: вся ми леть суть, но не вся назидают.
24 Никтоже своего си да ищет, но еже ближняго кийждо.
25 Все, еже на торжищи продаемое, ядите, ничтоже сумнящеся, за совесть:
26 господня бо земля и исполнение ея.
27 Аще ли кто от неверных призывает вы, и хощете ити, все предлагаемое вам ядите, ничтоже сумнящеся, за совесть.
28 (Зачало 147) Аще ли же кто вам речет: сие идоложертвенно есть: не ядите за оного поведавшаго, и совесть: господня бо земля и исполнение ея.
29 Совесть же глаголю не свою, но другаго: вскую бо свобода моя судится от иныя совести?
30 Аще аз благодатию причащаюся, почто хулу приемлю, о немже аз благодарю?
31 Аще убо ясте, аще ли пиете, аще ли ино что творите, вся во славу божию творите.
32 Безпреткновени бывайте иудеем и еллиномъ и церкви божией,
33 якоже и аз во всем всем угождаю, не иский своея пользы, но многих, да спасутся.

 

Глава 11.

1 Подражателе мне бывайте, якоже и аз христу.
2 Хвалю же вы, братие, яко вся моя помните, и якоже предах вам, предания держите.
3 Хощу же вас ведети, яко всякому мужу глава христос есть, глава же жене муж, глава же христу бог.
4 Всяк муж, молитву дея или пророчествуяй покрытою главою, срамляет главу свою:
5 и всяка жена, молитву деющая или пророчествующая откровенною главою, срамляет главу свою: едино бо есть и тожде [еже быти] остриженней:
6 аще бо не покрывается жена, да стрижется: аще ли же срам жене стрищися или бритися, да покрывается.
7 Муж убо не должен есть покрывати главу, образ и слава божия сый: жена же слава мужу есть.
8 (Зачало 148) Несть бо муж от жены, но жена от мужа:
9 ибо не создан бысть муж жены ради, но жена мужа ради.
10 Сего ради должна есть жена власть имети на главе ангел ради.
11 обаче ни муж без жены, ни жена безъ мужа, о господе.
12 якоже бо жена от мужа, сице и муж женою: вся же от бога.
13 В вас самех судите, лепо ли есть жене откровенней богу молитися?
14 Или и не самое естество учит вы, яко муж убо аще власы растит, безчестие ему есть,
15 жена же аще власы растит, слава ей есть? зане растение власов вместо одеяния дано бысть ей.
16 Аще ли кто мнится спорлив быти, мы таковаго обычая не имамы, ниже церкви божия.
17 Сие же завещавая не хвалю, яко не на лучшее, но на хуждшее сбираетеся.
18 Первое убо, сходящимся вам в церковь, слышу в вас распри сущия, и часть некую (сихъ) верую.
19 Подобает бо и ересем в вас быти, да искуснии явлени бывают в вас.
20 Сходящимся убо вам вкупе, несть господскую вечерю ясти:
21 кийждо бо свою вечерю предваряет в снедение, и ов убо алчет, ов же упивается.
22 еда бо домов не имате, во еже ясти и пити? Или о церкви божией нерадите и срамляете не имущия? Что вам реку? похвалю ли вы о семъ? Не похвалю.
23 (Зачало 149) Аз бо приях от господа, еже и предах вам, яко господь иисус в нощь, въ нюже предан бываше, приемь хлеб,
24 и благодарив преломи, и рече: приимите, ядите, сие есть тело мое, еже за вы ломимое: сие творите в мое воспоминание.
25 Такожде и чашу по вечери, глаголя: сия чаша новый завет есть в моей крови: сие творите, елижды аще пиете, в мое воспоминание.
26 елижды бо аще ясте хлеб сей и чашу сию пиете, смерть господню возвещаете, дондеже приидет.
27 Темже иже аще яст хлеб сей или пиет чашу господню недостойне, повинен будетъ телу и крови господни.
28 Да искушает же человек себе, и тако от хлеба да яст и от чаши да пиет.
29 ядый бо и пияй недостойне, суд себе яст и пиет, не разсуждая тела господня.
30 Сего ради в вас мнози немощни и недужливи, и спят (усыпаютъ) доволни.
31 (Зачало 150) Аще бо быхом себе разсуждали, не быхом осуждени были.
32 Судими же, от господа наказуемся, да не с миромъ осудимся.
33 Темже, братие моя, сходящеся ясти, другъ друга ждите.
34 Аще ли кто алчет, в дому да яст, да не в грех сходитеся. о прочих же, егда прииду, устрою.

 

Глава 12.

1 о духовных же, братие, не хощу вас не ведети.
2 Весте, яко егда неверни бесте, ко идоломъ безгласным яко ведоми ведостеся.
3 Темже сказую вам, яко никтоже, духом божиимъ глаголяй, речет анафема иисуса, и никтоже можетъ рещи господа иисуса, точию духом святым.
4 Разделения же дарований суть, а тойжде дух:
5 и разделения служений суть, а тойжде господь:
6 и разделения действ суть, а тойжде есть бог, действуяй вся во всех.
7 (Зачало 151) Комуждо же дается явление духа на пользу:
8 овому бо духом дается слово премудрости, иному же слово разума, о томже дусе:
9 другому же вера, темже духом: иному же дарования исцелений, о томже дусе:
10 другому же действия сил, иному же пророчество, другому же разсуждения духовом, иному же роди языков, другому же сказания языков.
11 Вся же сия действует един и тойжде дух, разделяя властию коемуждо якоже хощет.
12 (Зачало 152) якоже бо тело едино есть и уды имать многи, вси же уди единаго тела, мнози суще, едино суть тело: тако и христос.
13 Ибо единем духом мы вси во едино тело крестихомся, аще иудее, аще еллини, или раби, или свободни: и вси единемъ духом напоихомся.
14 Ибо тело несть един уд, но мнози.
15 Аще речет нога, яко несмь рука, несмь от тела: еда сего ради несть от тела?
16 И аще речет ухо, яко несмь око, несмь от тела: еда сего ради несть от тела?
17 Аще все тело око, где слухъ? аще (же) все слух, где ухание?
18 ныне же положи бог уды, единаго коегождо их в телеси, якоже изволи.
19 Аще ли быша вси един уд, где тело?
20 ныне же мнози убо удове, едино же тело.
21 Не может же око рещи руце: не требе ми еси: или паки
Глава ногама: не требе ми есте.
22 Но много паче, мнящиися уди тела немощнейши быти, нужнейши суть,
23 и ихже мним безчестнейших быти тела, сим честь множайшую прилагаем:
24 и неблагообразнии наши благообразие множайше имут, а благообразнии наши не требе имут. Но бог раствори тело, худейшему болшу давъ честь,
25 да не будет распри в телеси, но да тожде в себе (да равно един о друземъ) пекутся уди.
26 И аще страждет един уд, с нимъ страждут вси уди: аще ли же славится единъ уд, с ним радуются вси уди.
27 (Зачало 153) Вы же есте тело христово, и уди от части.
28 И овых убо положи бог в церкви первее апостолов, второе пророков, третие учителей: потом же силы, таже дарования исцелений, заступления, правления, роди языков.
29 еда вси апостоли? еда вси пророцы? еда вси учителе? еда вси силы?
30 еда вси дарования имут исцелений? еда вси языки глаголютъ? еда вси сказуютъ?
31 Ревнуйте же дарований болших, и еще по превосхождению путь вам показую.

 

Глава 13.

1 Аще языки человеческими глаголю и ангелскими, любве же не имам, бых (яко) медь звенящи, или кимвал звяцаяй.
2 И аще имам пророчество, и вем тайны вся и весь разум, и аще имам всю веру, яко и горы преставляти, любве же не имам, ничтоже есмь.
3 И аще раздам вся имения моя, и аще предам тело мое, во еже сжещи е, любве же не имам, ни кая польза ми есть.
4 (Зачало 154) Любы долготерпит, милосердствует, любы не завидит, любы не превозносится, не гордится,
5 не безчинствует, не ищет своих си, не раздражается, не мыслит зла,
6 не радуется о неправде, радуется же о истине:
7 вся любит [покрываетъ], всему веру емлет, вся уповает, вся терпит.
8 Любы николиже отпадает, аще же пророчествия упразднятся, аще ли языцы умолкнут, аще разум испразднится.
9 от части бо разумеваем и от части пророчествуем:
10 егда же приидет совершенное, тогда, еже от части, упразднится.
11 егда бех младенец, яко младенецъ глаголах, яко младенец мудрствовах, яко младенец смышлях: егда же бых муж, отвергохъ младенческая.
12 Видим убо ныне якоже зерцалом в гадании, тогда же лицем к лицу: ныне разумею от части, тогда же познаю, якоже и познан бых.
13 ныне же пребывают вера, надежда, любы, три сия: болши же сих любы.

 

Глава 14.

1 Держитеся любве: ревнуйте же духовным, паче же да пророчествуете.
2 Глаголяй бо языки, не человеком глаголет, но богу: никтоже бо слышит, духом же глаголетъ тайны:
3 пророчествуяй же, человеком глаголет созидание и утешение и утверждение.
4 Глаголяй (бо) языки себе зиждет, а пророчествуяй церковь зиждет.
5 Хощу же всех вас глаголати языки, паче же да прорицаете: болий бо пророчествуяй, нежели глаголяй языки, разве аще (кто) сказует, да церковь созидание приемлет.
6 (Зачало 155) ныне же, братие, аще прииду къ вам языки глаголя, кую вам пользу сотворю, аще вам не глаголю или во откровении, или в разуме, или в пророчествии, или в научении?
7 обаче бездушная глас дающая, аще сопель, аще гусли, аще разнствия писканием не дадят, како разумно будет пискание или гудение?
8 Ибо аще безвестен глас труба даст, кто уготовится на брань?
9 Тако и вы аще не благоразумно слово дадите языком, како уразумеется глаголемое? Будете бо на воздух глаголюще.
10 Толицы убо, аще ключится, роди гласовъ суть в мире, и ни един их безгласен.
11 Аще убо не увем силы гласа, буду глаголющему иноязычник, и глаголющий мне иноязычник.
12 Тако и вы, понеже ревнителе есте духовом, (яже) к созиданию церкве просите [ищите], да избыточествуете.
13 Темже глаголяй языком да молится, да сказует.
14 Аще бо молюся языком, дух мой молится, а ум мой без плода есть.
15 Что убо есть? Помолюся духом, помолюся же и умом: воспою духом, воспою же и умом.
16 Понеже аще благословиши духом, исполняяй место невежды како речет аминь, по твоему благодарению? Понеже не весть, что глаголеши.
17 Ты убо добре благодариши, но другий не созидается.
18 Благодарю бога моего, паче всех вас языки глаголя:
19 но в церкви хощу пять словес умом моимъ глаголати, да и ины пользую, нежели тмы словесъ языком.
20 (Зачало 156) Братие, не дети бывайте умы: но злобою младенствуйте, умы же совершени бывайте.
21 В законе пишет: яко иными языки и устны иными возглаголю людем сим, и ни тако послушают мене, глаголет господь.
22 Темже языцы в знамение суть не верующим, но неверным: а пророчество не неверным, но верующим.
23 Аще убо снидется церковь вся вкупе, и вси языки глаголют, внидут же (и) неразумивии или невернии, не рекут ли, яко беснуетеся?
24 Аще же вси пророчествуют, внидет же некий неверен или невежда, обличается всеми, (и) истязуется от всех,
25 и сице тайная сердца его явлена бывают: и тако пад ниц поклонится богови, возвещая, яко воистинну бог с вами есть.
26 (Зачало 157) Что убо есть, братие? егда сходитеся, кийждо вас псалом имать, учение имать, язык имать откровение имать, сказание имать: вся (же) к созиданию да бывают.
27 Аще языком кто глаголет, по двема, или множае по трием, и по части: и един да сказует.
28 Аще ли не будет сказатель, да молчит въ церкви, себе же да глаголет и богови.
29 пророцы же два или трие да глаголют, и друзии да разсуждают:
30 аще ли иному открыется седящу, первый да молчит.
31 Можете бо вси по единому пророчествовати, да вси учатся и вси утешаются.
32 И дуси пророчестии пророком повинуются:
33 несть бо нестроения бог, но мира, яко во всех церквах святых.
34 Жены ваша в церквах да молчат: не повелеся бо им глаголати, но повиноватися, якоже и закон глаголет.
35 Аще ли чесому научитися хотят, в дому своихъ мужей да вопрошают: срамно бо есть жене въ церкви глаголати.
36 Или от вас слово божие изыде? Или васъ единых достиже?
37 Аще кто мнится пророк быти или духовен, да разумеет, яже пишу вам, зане господни суть заповеди?
38 аще ли кто не разумеет, да не разумевает.
39 Темже, братие моя, ревнуйте еже пророчествовати, и еже глаголати языки не возбраняйте:
40 вся же благообразно и по чину да бывают.

 

Глава 15.

Зачало 158.

1 Сказую же вам, братие, благовествование, еже благовестих вам, еже и приясте, в немже и стоите,
2 имже и спасаетеся, кацем словом благовестихъ вам, аще содержите: разве аще не всуе веровасте.
3 Предах бо вам исперва, еже и приях, яко христос умре грех наших ради, по писанием,
4 и яко погребен бысть, и яко воста въ третий день, по писанием,
5 и яко явися кифе, таже единонадесятим:
6 потом же явися боле пяти сот братиямъ единою, от нихже множайшии пребывают доселе, нецыи же и почиша:
7 потом же явися иакову, таже апостолом всем:
8 последи же всех, яко некоему извергу, явися и мне.
9 Аз бо есмь мний апостолов, иже несмь достоин нарещися апостол, зане гоних церковь божию.
10 благодатию же божиею есмь, еже есмь, и благодать его, яже во мне, не тща бысть, но паче всех их потрудихся: не аз же, но благодать божия, яже со мною.
11 Аще убо аз, аще ли они, тако проповедуем, и тако веровасте.
12 (Зачало 159) Аще же христос проповедуется, яко из мертвых воста, како глаголют нецыи в вас, яко воскресния мертвых несть?
13 И аще воскресния мертвых несть, то ни христосъ воста:
14 аще же христос не воста, тще убо проповедание наше, тща же и вера ваша.
15 обретаемся же и лжесвидетеле божии, яко послушествовахом на бога, яко воскреси христа, егоже не воскреси, аще убо мертвии не востают:
16 аще бо мертвии не востают, то ни христосъ воста:
17 аще же христос не воста, суетна вера ваша, еще есте во гресех ваших:
18 убо и умершии о христе, погибоша.
19 (И) аще в животе сем точию уповающе есмы во христа, окаяннейши всех человекъ есмы.
20 (Зачало 160) ныне же христос воста от мертвых, начаток умершим бысть.
21 Понеже бо человеком смерть (бысть), и человекомъ воскресение мертвых.
22 якоже бо о адаме вси умирают, такожде и о христе вси оживут,
23 кийждо же во своем чину: начаток христос, потом же христу веровавшии в пришествии его.
24 Таже кончина, егда предаст царство богу и отцу, егда испразднит всяко началство и всяку власть и силу:
25 подобает бо ему царствовати, дондеже положитъ вся враги под ногама своима.
26 Последний же враг испразднится смерть,
27 вся бо покори под нозе его: внегда же рещи, яко вся покорена суть ему, яве, яко разве покоршаго ему вся.
28 егда же покорит ему всяческая, тогда и сам сын покорится покоршему ему всяческая, да будет бог всяческая во всех.
29 (Зачало 161) Понеже что сотворят крестящиися мертвых ради? Аще отнюд мертвии не востают, что и крещаются мертвых ради?
30 Почто (же) и мы беды приемлем на всякъ часъ?
31 По вся дни умираю: тако ми ваша похвала, братие, юже имам о христе иисусе господе нашем.
32 Аще (бо) по человеку со зверем боряхся в ефесе, кая ми польза, аще мертвии не востаютъ? Да ямы и пием, утре бо умрем.
33 Не льститеся: тлят обычаи благи беседы злы.
34 Истрезвитеся праведно и не согрешайте: неведение бо божие нецыи имут, к сраму вам глаголю.
35 Но речет некто: како востанут мертвии? коим же телом приидутъ?
36 Безумне, ты еже сееши, не оживет, аще не умрет:
37 и еже сееши, не тело будущее сееши, но голо зерно, аще случится, пшеницы или иного от прочих:
38 бог же дает ему тело, якоже восхощет, и коемуждо семени свое тело.
39 (Зачало 162) Не всяка плоть таже плоть: но ина убо плоть человеком, ина же плоть скотом, ина же рыбам, ина же птицам.
40 И телеса небесная, и телеса земная: но ина убо небесным слава, и ина земным:
41 ина слава солнцу, и ина слава луне, и ина слава звездам: звезда бо от звезды разнствуетъ во славе.
42 Такожде и воскресение мертвых: сеется в тление, востает в нетлении:
43 сеется не в честь, востает в славе: сеется в немощи, востает в силе:
44 сеется тело душевное, востает тело духовное. есть тело душевное, и есть тело духовное.
45 Тако и писано есть: бысть первый человекъ адам в душу живу, последний адам в духъ животворящь.
46 Но не прежде духовное, но душевное, потомъ же духовное.
47 (Зачало 163) Первый человек от земли, перстен: вторый человек господь с небесе.
48 яков перстный, такови и перстнии: и яковъ небесный, тацы же и небеснии:
49 и якоже облекохомся во образ перстнаго, да облечемся и во образ небеснаго.
50 Сие же глаголю, братие, яко плоть и кровь царствия божия наследити не могут, ниже тление нетления наследствует.
51 Се, тайну вам глаголю: вси бо не успнем, вси же изменимся
52 вскоре, во мгновении ока, в последней трубе: вострубит бо, и мертвии востанут нетленни, и мы изменимся:
53 подобает бо тленному сему облещися в нетление и мертвенному сему облещися в безсмертие.
54 егда же тленное сие облечется в нетление и смертное сие облечется в безсмертие, тогда будет слово написанное: пожерта бысть смерть победою.
55 Где ти, смерте, жало? где ти, аде, победа?
56 Жало же смерти грех: сила же греха закон.
57 богу же благодарение, давшему нам победу господем нашим иисус христом.
58 (Зачало 164) Темже, братие моя возлюбленная, тверди бывайте, непоступни, избыточествующе въ деле господни всегда, ведяще, яко труд вашъ несть тощь пред господем.

 

Глава 16.

1 о милостыни же, яже ко святым, якоже устроихъ церквам галатийским, тако и вы сотворяйте:
2 по единей от суббот кийждо вас да полагаетъ у себе сохраняя, еже аще что благопоспешится, да не егда прииду, тогда собрания бывают.
3 егда же прииду, ихже аще искусите, съ посланьми сих послю отнести благодать вашу во иерусалим.
4 (Зачало 165) Аще же достойно будет и мне ити, со мною пойдут.
5 Прииду же к вам, егда македонию преиду: македонию бо прохожду.
6 у вас же, аще случится мне, пребуду, или и озимею, да вы мя проводите, аможе аще поиду.
7 Не хощу бо вас ныне в мимохождении видети: уповаю же время некое пребыти у вас, аще господь повелит.
8 Пребуду же во ефесе до пентикостии:
9 дверь бо ми отверзеся велика и поспешна, и сопротивнии мнози.
10 Аще же приидет тимофей, блюдите, да безъ страха будет у вас: дело бо господне делает, якоже и аз:
11 да никтоже убо его уничижит: проводите же его с миром, да приидет ко мне, жду бо его с братиею.
12 о аполлосе же брате: много молих его, да приидет к вам с братиею: и всяко не бе воля, да ныне приидет, приидет же, егда упразднится.
13 (Зачало 166) Бодрствуйте, стойте в вере, мужайтеся, утверждайтеся:
14 вся вам любовию да бывают.
15 Молю же вы, братие: весте дом стефанинов, яко есть начаток ахаии, и в служение святым учиниша себе:
16 да и вы повинуйтеся таковым и всякому споспешствующу и труждающуся.
17 Возрадовахся же о пришествии стефанинове и фуртунатове и ахаикове, яко ваше лишение сии исполниша:
18 упокоиша бо мой дух и ваш. Познавайте убо таковыя.
19 Целуют вы церкви асийския: целуют вы о господе много акила и прискилла с домашнею их церковию.
20 Целуют вы братия вся. Целуйте друг друга лобзанием святым.
21 Целование моею рукою павлею.
22 Аще кто не любит господа иисуса христа, да будет проклят, маран афа [господь наш прииде (сирский гласъ)].
23 благодать господа нашего иисуса христа с вами,
24 (и) любы моя со всеми вами о христе иисусе. Аминь.

Вам понравилась молитва - оцените?



Есть молитвы, которые одинаково важны для всех верующих и для католического и православного христианина   Отче Наш  Радуйся Мария  Псалом 90  Молитва Символ Веры

Рекомендуем прочитать Молитвы