Молитва жене, егда извержет младенца | Чинопоследования Таинств и тайнодействий | † Католичество

Молитва жене, егда извержет младенца

Творит священник: Благословен Бог наш: Трисвятое: Пресвятая Троице: Отче наш: Яко твое есть царство: И отпустительный тропарь дне. Таже: Господу помолимся.

Владыко Господи Боже наш, рождейся от святыя Богородицы и приснодевы Марии, и во яслех яко младенец возлегий: сам, рабу твою сию, днесь сущу во гресех, во убийство впадшую волею, или неволею, и зачатое в ней извергшую, помилуй по велицей твоей милости: и прости ея вольныя и невольныя прегрешения, и сохрани от всякаго диавольскаго кознодействия: и скверну очисти, болезни исцели, здравие и благомощие телу с душею ея, человеколюбче даруй, и ангелом светлым сию соблюди от всякаго нашествия невидимых демонов, ей, Господи, от недуга и ослабления: и очисти ю от телесныя скверны, и различныхь ей находящих стужений утробных, и изведи ю многою твоею милостию, во смиреннем ея теле, и возстави ю от одра, на немже лежит: яко во гресех родихомся и в беззакониих, и сквенави вси есмы пред тобою, Господи, и со страхом вопием и глаголем: призри с небесе, и виждь немощь осужденных, и прости рабе твоей сей, имярек, сущей во гресех, убийству впадшей волею или неволею, и в ней зачатое извергшей, и всех обретающихся и прикоснувшихся ей, по велицей твоей милости, яко благ и человеколюбец Бог помилуй и прости: яко ты един имаши власть оставляти грехи и беззакония: молитвами пречистыя твоея матере, и всех святых.

Яко подобает тебе всякая слава, честь и поклонение, со Отцем, и Святым Духом, ныне и присно, и во веки веков, аминь.

И бывает отпуст.

Вам понравилась молитва - оцените?



Есть молитвы, которые одинаково важны для всех верующих и для католического и православного христианина   Отче Наш  Радуйся Мария  Псалом 90  Молитва Символ Веры

Рекомендуем прочитать Молитвы