Основные католические молитвы

Прим. Ред.: публикуемый текст представляет собой компиляцию материалов по двум молитвенникам для католиков славяно-византийского обряда: Источник милосердия” (СПб., 1913) и молитвенника, изданного в Брюсселе (изд. “Жизнь с Богом”) для католиков и православных в 1991 году. Идея предоставить Читателям компилированный текст повседневных молитв возникла у редакции из-за того, что молитвенник “Источник милосердия” отличается некоторой латинизированностью, что противоречит мнению редакции, которая, опираясь на авторитет св. Леонида Федорова и других русских католиков, отстаивает идею чистоты славяно-византийского обряда. Более того, Читателям наверняка было бы интересно ознакомиться с различием текста молитв в двух молитвенниках. Молитвы, встречающиеся только в Источнике милосердия помещены в квадратных скобках [ ], а тексты, встречающиеся только в брюссельском молитвеннике, — в круглых скобках ( ). Когда тексты в квадратных и круглых скобках следуют один за другим, это значит, что в этом месте разными молитвенниками приводятся различные тексты. Просим всех тех, кому данная публикация принесет духовную пользу, помолиться о соединении Церквей под покровом Пресвятой Богородицы во исполнение слов Иисуса Христа: “Да будут все едино”.

МОЛИТВЫ УТРЕННИЕ

Восстав от сна, прежде всякого другого занятия, стань благоговейно, представляя себя пред Всевидящим Богом, и, полагая на себя крестное знамение, говори:

Во имя Отца и Сына и Святаго Духа. Аминь.

По сем немного помедли, чтобы все чувства твои пришли в тишину и мысли твои оставили все земное; и тогда произноси следующие молитвы, без поспешности, с сердечным вниманием.

Молитва мытаря

Боже, милостив буди мне грешному.

Молитва Господу Иисусу

Господи Иисусе Христе, Сыне Божий, молитв ради Пречистыя Твоея Матере и всех святых помилуй нас. Аминь.

Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй, Скоровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Бессметрный, помилуй нас. (трижды).

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас: Господи, очисти грехи наша: Владыко, прости беззакония наша: Святый, посети и исцели немощи наша имене Твоего ради.

Господи помилуй (трижды).

Слава… И ныне…

Отче наш, Иже еси на небесех! Да святится имя Твое: да приидет Царствие Твое: да будет воля Твоя, яко на небеси, и на земли. Хлеб наш насущный даждь нам днесь: и остави нам долги наша, якоже и мы оставляем должником нашим; и не введи нас во искушение, но избави нас от лукаваго. [Аминь.]

(Яко Твое есть Царство и сила и слава во веки. Аминь.)

Тропари Троичны

Воставше от сна, припадаем Ти, Блаже, и Ангельскую песнь вопием Ти, Сильне: свят, свят, свят еси, Боже, Богородицею помилуй нас.

Слава: От одра и сна воздвигл мя еси, Господи: ум мой просвети и сердце, и устне мои отверзи, во еже пети Тя, Святая Троице: свят, свят, свят еси, Боже, Богородицею помилуй нас.

И ныне: Внезапу Судия приидет, и коегождо деяния обнажатся, но страхом зовем в полунощи: свят, свят, свят еси, Боже, Богородицею помилуй нас.

Господи помилуй (12 раз).

Молитва к Пресвятой Троице

От сна востав, благодарю Тя, Святая Троице, яко многия ради Твоея благости и долготерпения не прогневался еси на мя лениваго и грешнаго, ниже погубил мя еси со беззаконьми моими: но человеколюбствовал еси обычно, и в нечаянии лежащаго воздвигл мя еси, во еже утреневати и славословити державу Твою. И ныне просвети мои очи мысленныя, отверзи моя уста поучатися словесем Твоим и разумети заповеди Твоя, и творити волю Твою, и пети Тя во исповедании сердечнем, и воспевати всясвятое имя Твое, Отца и Сына и Святаго Духа, ныне и присно и во веки веков. Аминь.

Поклонение Иисусу Христу

† Приидите, поклонимся Цареви нашему Богу.

† Приидите, поклонимся и припадем Христу Цареви нашему Богу.

† Приидите, поклонимся и припадем Самому Христу, Цареви и Богу нашему.

(Псалом 50)

(Помилуй мя, Боже, по велицей милости Твоей, и по множеству щедрот Твоих, очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих: яко да оправдишися во словесех Твоих и победиши внегда судити ти. Се бо в беззакониих зачат есмь и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом и очищуся; омыеши мя, и паче снега убелюся. Слуху моему даси радость и веселие: и возрадуются кости смиренные. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отъими от мене. Воздаждь ми радость спасения Твоего, и Духом владычным утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен: сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожигаемая: тогда возложат на олтарь Твой тельцы.)

(Молитвы Господу Иисусу Христу)

(К Тебе, Владыко Человеколюбче, от сна восстав прибегаю, и на дела Твоя подвизаюся милосердием Твоим, и да молюся Тебе: помози ми на всякое время, во всякой вещи, и избави мя от всякия мирския злыя вещи и диавольскаго поспешения, и спаси мя и введи мя в Царство Твое вечное. Ты бо еси мой Сотворитель и всякому благу Промысленник и Податель, о Тебе же все упование мое, и Тебе славу воссылаю ныне и присно и во веки веков. Аминь.)

Иже на всякое время и на всякий час, на небеси и на земли поклоняемый и славимый, Христе Боже, долготерпеливе, многомилостиве, многоблагоутробне, Иже праведныя любяй и грешныя милуяй, Иже вся зовый ко спасению, обещания ради будущих благ: Сам, Господи, приими и наша в час сей молитвы и исправи живот наш к заповедем Твоим, души наша освяти, телеса очисти, помышления исправи, мысли очисти: и избави нас от всякия скорби, зол и болезней: огради нас святыми Твоими Англеы, да ополчением их соблюдаеми и наставляеми достигнем в соединение веры и в разум неприступныя Твоея славы: яко благословен еси во веки веков. Аминь.

Молитва ко Пресвятей Богородице

Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение, и вся скверная, лукавая и хульная помышления от окаяннаго моего сердца и от помраченнаго ума моего: и погаси пламень страстей моих, яко нищь есмь и окаянен, и избави мя от многих и лютых воспоминаний и предприятий, и от всех действ злых свободи мя: яко благословенна еси от всех родов, и славится пречестное имя Твое во веки веков. Аминь.

[Молитва ко святому Иосифу, Обручнику Пресв. Девы Марии]

[Избранный хранителю Пресвятыя Девы Марии, пестуне и кормителю Богочеловека, праведный Иосифе, прославляя служение твое неизреченней тайне воплощения Бога Слова, похвальная восписуем ти. Ты же ныне предстоя престолу Христа Бога нашего, и имея велие дерзновение к Нему, молися о нас взывающих ти: Радуйся праведный Иосифе, скорый помощниче и молитвенниче о душах наших. (Кондак 1 из акафиста).]

Молитва ко Ангелу Хранителю

Ангеле Божий, хранителю мой святый, на соблюдение мне от Бога с небесе данный! Прилежно молю тя, ты мя днесь просвети и от всякаго зла сохрани, ко благому деянию настави и на путь спасения направи. Аминь.

Молитва к святому, имя которого носишь

Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о души моей.

Молитва к святой, имя которой носишь

Моли Бога о мне, святая угоднице Божия (имя), яко аз усердно к тебе прибегаю, скорой помощнице и молитвеннице о души моей.

[
Молитва ко св. Ангелам]

[Вся небесныя Силы, Святии Ангели и Архангели, молите Бога о нас грешных.]

(Песнь Пресвятой Богородице)

(Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.)

[Молитва ко всем святым]

[Святии славнии и всехвальнии Апостоли, Пророци и Мученицы и вси Святии, молите Бога о нас грешных.]

(Тропарь креста и молитва за отечество)

(Спаси, Господи, люди Твоя и благослови достояние Твое, победы святей Твоей Церкви на сопротивныя даруя; и Твое сохраняя крестом Твоим жительство.)

Посем кратко принеси молитву о здравии и спасении отца твоего духовнаго, родителей твоих, сродников, начальников, благодетелей, знаемых тебе, болящих или находящихся в печали. Или, если можешь, читай сей помянник:

О живых

Помяни, Господи Иисусе Христе, Боже наш, милости и щедроты Твоея от века сущия, ихже ради и вочеловечился еси, и распятие и смерть, спасения ради право верующих, претерпети изволил еси: и воскрес из мертвых, вознеслся еси на небеса и седиши одесную Бога Отца, и призираеши на смиренныя мольбы всем сердцем призывающих Тя: преклони ухо Твое, и услыши смиренное моление мое непотребнаго раба Твоего, в воню благоухания духовнаго, Тебе за вся люди Твоя приносящаго. И в первых помяни Церковь Твою Святую, Соборную и Апостольскую, юже снабдел еси честною Кровию Твоею, и утверди, и укрепи, и разшири, умножи, умири и непреобориму адовыми враты во веки сохрани: раздирания Церквей утиши, шатания языческия угаси, и ересей востания скоро разори и искорени, и в ничтоже силою Святаго Твоего Духа обрати. (поклон)

Спаси, Господи, и помилуй Святейшаго Вселенскаго Архиерея (имя), Папу Римскаго и вся епископы православныя, иереи же и диаконы, и весь причет церковный, яже поставил еси пасти словесное Твое стадо, и молитвами их помилуй и спаси мя грешнаго. (Поклон).

(Спаси, Господи, и помилуй правителей наших и глаголи мирная и благая в сердце их о Церкви Твоей Святей и о всех людех Твоих: да и мы, в тишине их, тихое и безмолвное житие поживем во всяком благочестии и чистоте.) (покон).

Спаси, Господи, и помилуй отца моего духовнаго (имя) и святыми его молитвами прости моя согрешения. (поклон).

Спаси, Господи, и помилуй родители моя (имена их), братию, и сестры, и сродники моя по плоти, и вся ближняя рода моего, и други, и даруй им мирная Твоя и премирная благая. (поклон).

Спаси, Господи, и помилуй старцы и юныя, и нищия и сироты и вдовицы, и сущия в болезни и в печалех, бедах же и скорбех, обстояниих и пленениих, темницах же и заточениих, изряднее же в гонениих, Тебе ради и веры православныя, от язык безбожных, от отступник и от еретиков, сущия рабы Твоя: и помяни я, посети, урепи, утеши, и вскоре силою Твоею ослабу, свободу и избаву им подаждь. (поклон).

Спаси, Господи, и помилуй посланныя в службу, путешествующия, отцы и братию нашу, и сестры, и вся православныя христианы. (Поклон).

Спаси, Господи, и помилуй ненавидящия и обидящия мя, и творящия ми напасти, и не остави их погибнути мене ради грешнаго. (Поклон).

Отступившыя от православныя веры и погибельными ересьми ослепленныя, светом Твоего познания проствяти и Святей Твоей, Апостольстей, Соборней Церкви причти. (поклон).

О усопших

Помяни, Господи, души усопших рабов Твоих, родителей моих (имена их) и всех сродников по плоти: и прости их все согрешения вольная и невольная, даруя им Царствие и причастие вечных Твоих благ и Твоея безконечныя и блаженныя жизни наслаждение. (Поклон).

Помяни, Господи, и вся в надежди воскресения и жизни вечныя усопшия отцы и братию нашу, и сестры, и зде лежащия, и повсюду православныя Христианы, и со святыми Твоими, идеже присещает свет лица Твоего, всели, и нас помилуй, яко благ и человеколюбец. Аминь. (поклон).

Подаждь, Господи, оставление грехов всем прежде отшедшим в вере и надежди воскресения, отцем, братиям и сестрам нашым, и сотвори им вечную память. (Трижды).

Окончание молитв

Достойно есть яко воистину блажити Тя Богородицу, присноблаженную и пренепорочную и Матерь Бога нашего. Честнейшую Херувим и славнейшую без сравнения серафим, без истления Бога Слова рождшую, сущую Богородицу Тя величаем.

Слава… и ныне…

Господи, помилуй (трижды).

Господи, Иисусе Христе, Сыне Божий, молитв ради Пречистыя Твоея Матере, преподобных и Богоносных отец наших и всех святых, помилуй нас. Аминь.

Посем помысли об обязанностях, делах, которые тебе предстоит исполнить сегодня [и скажи от всего сердца Господу Иисусу:]

[Господи, без Тебя я ничего не могу, но благодатью Твоею помоги мне все совершить во славу Твою. О Иисусе мой прелюбимый, образ божественный совершенства, к коему должны мы стремиться, хочу и буду стараться по мере сил моих сделаться подобным Тебе: кротким, симренным, целомудренным, ревностным, терпеливым, милосердным и покорным Воле Божией, как Ты: и я приложу особенно все мои усилия к тому, чтобы не впадать сегодня в те погрешности, которые я совершаю столь часто и от которых искренно хочу исправиться.] [Господи, Ты знаешь мою слабость: я ничего не могу без помощи Твоей благодати; не лиши меня благодати Твоей, Боже мой, но даруй мне силы избежать все то зло, которое Ты запретил, исполнять все добро, которое Ты ждешь от меня, и послушно и терпеливо перенести все скорби, которые Тебе угодно будет ниспослать мне.]

МОЛИТВЫ В ПРОДОЛЖЕНИИ ДНЯ

Перед началом всякого дела

(Царю Небесный, Утешителю, Душе истины, Иже везде сый и вся исполняяй, Скоровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.)

(или)

Господи Иисусе Христе, Сыне Единородный Безначальнаго Твоего Отца, Ты рекл еси пречистыми усты Твоими: яко без Мене не може творити ничтоже. Господи мой, Господи, верою объемь в души моей и сердце Тобою реченная, припадаю Твоей благости: помози ми грешному сие дело, мною начинаемо, о Тебе Самем свершити, во имя Отца и Сына и Святаго Духа. Аминь.

По окончании всякого дела

Исполнение всех благих Ты еси, Христе мой, исполни радости и веселия душу мою и спаси мя, яко един многомилостив.

Пред учением

[Премудрости Наставниче, смысла Подателю, немудрых Наказателю и нищих Защитителю, утверди, вразуми сердце мое, Владыко! Ты даждь ми слово, Отчее Слово: се бо устне мои не возбраню, во еже звати Тебе: Милостиве! Помилуй мя падшаго.]

(Преблагий Господи, ниспосли нам благодать Духа Твоего Святаго, дарствующаго и укрепляющаго душевныя наши силы, дабы внимая преподаваемому нам учению, возрасли мы Тебе, нашему Создателю, во славу, родителям же нашим на утешение, Церкви и Отечеству на пользу.)

После учения

Благодарим Тебе, Создателю, яко сподобил еси нас благодати Твоея, во еже внимати учению. Благослови наших начальников, родителей и учителей, ведущих нас к познанию балага, и подаждь нам силу и крепость к продолжениею учения сего.

Пред обедом и ужином

Отче наш…

Или

Очи всех на Тя, Господи, уповают, и Ты даеши им пищу во благовремении, отверзаеши Ты щедрую руку Твою и исполняеши всякое животно благоволения.

После обеда и ужина

Благодарим Тя, Христе Боже наш, яко насытил еси нас земных Твоих благ: не лиши нас и Небеснаго Твоего Царствия.

[Или]

[Благословен Бог, милуяй и питаяй нас от юности нашея, даяй пищу всякой плоти. Исполни радости и веселия сердца наша: да всегда всякое довольство имуще, преизобилуем во всякое дело благое, во Христе Иисусе Господе нашем, с Нимже Тебе слава подобает, держава, честь и поклонение, со Святым Духом во веки. Аминь.]

[Или]

[Слава Тебе, Господи, слава Тебе, Святый, слава Тебе, Царю, яко дал еси нам брашна в веселии: исполни нас и Духа Святаго, да обрящемся пред Тобою благоугодни и непостыдни, егда воздаси комуждо по делом его.]

МОЛИТВЫ ВЕЧЕРНИЕ

Во имя Отца и Сына и Святаго Духа. Аминь.

Господи, Иисусе Христе, Сыне Божий, молитв ради Пречистыя Твоея Матере, преподобных и Богоносных отец наших и всех всятых, помилуй нас. Аминь.

Слава Тебе, Боже наш, слава Тебе.

Царю небесный, Утешителю, Душе истины, Иже везде сый и вся исполняяй, Скоровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

[Святый Боже, Святый Крепкий, Святый Бессметрный, помилуй нас. (трижды).] [Слава … и ныне…] [Пресвятая Троице, помилуй нас: Господи, очисти грехи наша: Владыко, прости беззакония наша: Святый, посети и исцели немощи наша имене Твоего ради.] [Господи помилуй (трижды).] [Слава… И ныне…]

Отче наш, Иже еси на небесех! Да святится имя Твое: да приидет Царствие Твое: да будет воля Твоя, яко на небеси, и на земли. Хлеб наш насущный даждь нам днесь: и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.

Тропари

Помилуй нас, Господи, помилуй нас: всякаго бо ответа недоумеющие, сию Ти молитву яко Владыце грешнии приносим помилуй нас.

Слава: Господи, помилуй нас, на Тя бо уповахом: не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших: Ты бо еси Бог наш, и мы людие Твои, вси дела руку Твоею, и имя Твое призываем.

И ныне: Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода Христианскаго.

[Господи, помилуй (12).]

Молитва ко Пресвятой Троице

Господи Боже наш, еже согреших во дни сем словом, делом и помышлением, яко благ и человеколюбец прости ми; мирен сон и безмятежен даруй ми: Ангела Твоего хранителя посли, покрывающа и соблюдающа мя от всякаго зла. Яко Ты еси хранитель душам и телесем нашым, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

[Поклонение Иисусу Христу]

[† Приидите, поклонимся Цареви нашему Богу.

† Приидите, поклонимся и припадем Христу Цареви нашему Богу.

† Приидите, поклонимся и припадем Самому Христу, Цареви и Богу нашему.]

Молитва к Господу Иисусу

Иже на всякое время и на всякий час, на небеси и на земли поклоняемый и славимый, Христе Боже, долготерпеливе, многомилостиве, многоблагоутробне, Иже праведныя любяй и грешныя милуяй, Иже вся зовый ко спасению, обещания ради будущих благ: Сам, Господи, приими и наша в час сей молитвы и исправи живот наш к заповедем Твоим, души наша освяти, телеса очисти, помышления исправи, мысли очисти: и избави нас от всякия скорби, зол и болезней: огради нас святыми Твоими Англеы, да ополчением их соблюдаеми и наставляеми дотигнем в соединение веры и в разум неприступныя Твоея славы: яко благословен еси во веки веков. Аминь.

Молитва ко Пресвятей Богородице

Благаго Царя благая Мати, пречистая и благосовенная Богородице Марие, милость Сына Твоего и Бога нашего излей на страстную мою душу и Твоими молитвами настави мя на деяния благая, да прочее время живота моего без порока прейду и Тобою рай да обрящу, Богородице Дево, едина чистая и благословенная.

[Молитва ко святому Иосифу, Обручнику Пресв. Девы Марии]

[Избранный хранителю Пресвятыя Девы Марии, пестуне и кормителю Богочеловека, праведный Иосифе, прославляя служение твое неизреченней тайне воплощения Бога Слова, похвальная восписуем ти. Ты же ныне предстоя престолу Христа Бога нашего, и имея велие дерзновение к Нему, молися о нас взывающих ти: Радуйся праведный Иосифе, скорый помощниче и молитвенниче о душах наших. (Кондак 1 из акафиста).]

Молитва ко святому Ангелу хранителю

Ангеле Христов, хранителю мой святый и покровителю души и тела моего, вся ми прости, елика согреших во днешний день: и от всякаго лукавствия противнаго ми врага избави мя, да ни в коемже гресе прогневаю Бога моего: но моли за мя грешнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.

[Молитва к святому, имя которого носишь]

[Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о души моей.]

[Молитва к святой, имя которой носишь]

[Моли Бога о мне, святая угоднице Божия (имя), яко аз усердно к тебе прибегаю, скорой помощнице и молитвеннице о души моей.]

[Молитва ко св. Ангелам]

[Вся небесныя Силы, Святии Ангели и Архангели, молите Бога о нас грешных.]

[Молитва ко всем святым]

[Молите за ны, святии Апостоли, Святии вси, да избавимся от бед и скорбей: вас бо теплыя предстатели ко Спасу стяжахом.]

(Повседневное исповедание грехов)

(Исповедаю Тебе, Господу Богу моему и Творцу, во Святей Троице Единому славимому и покланяемому Отцу и Сыну и Святому Духу, вся моя грехи, яже содеях во вся дни живота моего, и на всякий час, и в настоящее время, делом, словом, помышлением, зрением, слухом, обонянием, вкусом, осязанием и всеми моими чувствы, душевными вкупе и телесными, имиже Тебе Бога моего и Творца прогневах, и ближняго моего онеправдовах. О сих жалея, винна себе Тебе Богу моему представляю и имею волю каятися, точию Ты, Господи Боже мой, помози ми, со слезами смиренно молю Тя; прешедшая же согрешения моя милосердием Твоим прости ми, и разреши от всех сих, яко Благ и Человеколюбец.)

Молитва покаянная

Ослаби, остави, прости, Боже, прегрешения наша, вольная и невольная, яже в слове и в деле, яже в ведении и не в ведении, яже во дни и в нощи, яже во уме и в помышлении: вся нам прости, яко благ и человеколюбец.

[Молитва о родных, живых и усопших]

[Ненавидящия и обидящия нас прости Господи и человеколюбче. Благотворящим благосотвори. Братиям всем и сродникам нашим, и уединившимся даруй вся яже ко спасению прошения и жизнь вечную. В болезнях сущия посети и исцели, в темницах сущия свободи, по морю плавающим правитель буди, путешествующим поспеши. Помяни Господи плененную братию нашу, единоверных православныя веры, и избави их от всякаго злаго обстояния. Помилуй Господи и прости заповедавших нам, недостойным, молитися о них. Помилуй, Господи, служащия нам и милущия нас, и даруй им вся яже ко спасению прошения и жизнь вечную. Помяни, Господи, прежде усопшия отцы и братию нашу, и вся во благочестивой вере скончавшияся; и всели я идеже присещает свет лица Твоего. Помяни Господи и нашу худость и окаянство, и просвети наш ум светом разума святаго Евангелия Твоего, и настави на стезю заповедей Твоих; молитвами пречистыя Твоея Матере и всех святых Твоих. Аминь.]

Окончание молитв

[Богородице Дево, радуйся, благодатная Марие, Господь с Тобою. Благословенна Ты в женах, и благословен плод чрева Твоего, яко Спаса родила еси душ наших.] [Под Твою милость прибегаем, Богородице Дево, молитв наших не презри в скорбех, но от бед избави нас, едина чистая и благословенная. ]

(Взбранной Воеводе победительная, яко избавльшеся от злых, благодарственная восписуем Ти раби Твои, Богородице: но яко имущая державу непобедимую, от всяких нас бед свободи, да зовем Ти: радуйся, Невесто Неневестная.)

Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша.

Все упование мое на Тя возлагаю, Мати Божия, сохрани мя под кровом Твоим.

Просвети очи мои, Христе Боже, да не когда усну в смерть, да не когда речет враг мой: укрепихся на него.

Заступник души моея буди, Боже, яко посреде хожду сетей многих: избави мя от них и спаси мя, Блаже, яко человеколюбец.

Упование мое Отец, прибежище мое Сын, покров мой Дух Святый: Троице Святая, слава Тебе.

[Боже, милостив буди мне грешному.] [Боже, очисти грехи моя и помилуй мя.] [Без числа согреших, Господи прости ми.] [† Во имя Отца и Сына и Святаго Духа. Аминь.]

(Достойно есть яко воистину блажити Тя Богородицу, присноблаженную и пренепорочную и Матерь Бога нашего. Честнейшую Херувим и славнейшую без сравнения серафим, без истления Бога Слова рождшую, сущую Богородицу Тя величаем.)

(Слава… и ныне…)

(Господи, помилуй (трижды).)

(Господи, Иисусе Христе, Сыне Божий, молитв ради Пречистыя Твоея Матере, преподобных и Богоносных отец наших и всех святых, помилуй нас. Аминь.)

Ложась на постель, знаменай себя крестом и говори:

Да воскреснет Бог, и расточатся врази Его, и да бежат от лица Его ненавидящия Его. Яко исчезает дым, да исчезнут: яко тает воск от лица огня, тако да погибнут беси от лица любящих Бога и знаменующихся крестным знамением и в веселии глаголющих: радуйся, пречестный и животворящий кресте Господень, прогоняй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю и даровавшаго нам тебе, крест Свой честный на попрание всякаго супостата. О пречестный и животворящий кресте Господень! Помогай ми со Святою Госпожею Девою Богородицею и со всеми святыми во веки. Аминь.

Или

Огради мя, Господи, силою честнаго и животворящаго Твоего креста, и сохрани мя от всякаго зла.

Когда предаешься сну, говори

В руце Твои, Господи Иисусе Христе, Боже мой, предаю дух мой. Ты же мя благослови, Ты мя помилуй и живот вечный даруй ми. Аминь.

Вам понравилась молитва - оцените?

Есть молитвы, которые одинаково важны для всех верующих и для католического и православного христианина   Отче Наш  Радуйся Мария  Псалом 90  Молитва Символ Веры
Джерело Яндекс.Метрика Твоя Библия: Библия, ответы на вопросы, христианская библиотека. Каталог Христианских сайтов Каталог Православных сайтов Маранафа: Библия, словарь, каталог сайтов, форум, чат и многое другое. Рейтинг@Mail.ru